රුවන්වැලිසෑ පුවරු ලිපිය.

 

   

      රුවන්වැලිසෑ පුවරු ලිපිය දෙවැනි ජෙට්ඨතිස්ස රජුගේ (ක්‍රි.ව.332-341) පුත වූ බුද්ධදාස රාජ්‍ය සමයට අයත් වෙයි. ඔහු සිරිමේඝවණ්ණ  රජතුමාගේ (ක්‍රි.ව 304-331) මුණුබුරාද වෙයි.දේශපාලනික වශයෙන් මේ ලිපියේ වැදගත්කම  වන්නේ ලිපිය අදාළ රාජ්‍ය සමය සඳහන් වීම හා රාජ්‍ය වංශ පරම්පරාව දැක්වීමයි.බුද්ධදාස රජු තම පෞද්ගලික නාමයට අමතර සීයාගේ නම ද මෙහි දක්වා තිබීමෙන් එය තහවුරු වෙයි. 

ශිලා ලේඛනය සම්පූර්ණයෙන්  නොමැති බැවින් සියලු කරුණු දැක්වීම අපහසු වුවත් රජයේ ප්‍රභූ පිරිසක් විසින් මේ ලිපිය කරවන ලද බව පැහැදිලිය . එකල නගර නාමයක් ලෙස ' මහිලක' පෞද්ගලික නාමයක් වශයෙන් ' කමලා' හදුනාගත හැකිය. 

තත්කාලීන පෞද්ගලික මෙන්ම ග්‍රාම නාම අධ්‍යනයේදී වැදගත් වන රුවන්වැලිසෑ පුවරු ලිපියෙන් සමාජය පිළිබඳව වැදගත් කරුණක්  හෙළිදරව් වෙයි. ඒ ' පින්' ප්‍රාර්ථනය මෙන්ම යම් පුණ්‍ය  කටයුත්තක් කිරීමෙන් ' යහපතක් ' වන බවට එකල ජනතාව විශ්වාස කිරීමයි. ඒ බව 'ස්ව ' සතනට පෙත අනුමොවතු ' ' පමුරුමකහට වෙඩ වයු' පාඨවලින් තහවුරු  වෙයි. 

මෙහි භාෂාව තුලින් කෙටි ලිපියක් වුවද කාලීන භාෂාව  අධ්‍යනයේ වැදගත් භාෂා ලක්ෂණ කිහිපයක් මේ ලිපියෙන් හඳුනාගත හැකි වේ.

ලේඛනය :-

01)... [සිරි] මෙක ජෙටතිස මහරජ අපයහ පුත බුදදස මහසෙන මහර/

02)...[ම]හිලක ණකරක සුමනයහ පුත මහිලක ණකරක සිවයහ මකල්ක ණකරක

03)...ජිත්‍ර කම[ම] අබ කරවික ටබි/

         සව-සතනට පෙත අනුමොවතු/ 

         මපුරුමකහට වෙඪ වයු/

අර්ථය:- 

ශ්‍රී මේඝ  ජෙට්ඨතිස්ස අභය මහරජුගේ පුත්‍ර වූ බුද්ධදාස මහාසේන මහාර '[ම]හිලක ' නගරයේ සිව ද 'මහිලක' නගරයේ  දුව වූ කමලා කුමරිය විසින් ද කරවන ලද ස්ථම්භයයි. සියලු සත්වයන්ට මේ පින අනුමෝදම් වෙත්වා! මහ රජතුමාට වැඩ වේවා!.